ოთხი პარტია ხელისუფლებას ვადამდელი არჩევნების მომზადებისკენ მოუწოდებს

ოთხი არასაპარლამენტო ოპოზიციური პარტია ხელისუფლებას ვადამდელი საპარლამენტო არჩევნების მომზადებისკენ მოუწოდებს.

როგორც პარტიების მიერ გავრცელებულ ერთობლივ განცხადებაშია ნათქვამი, აშკარაა, რომ ქვეყნის წინაშე არსებული პრობლემები ბევრად უფრო ღრმაა ვიდრე მხოლოდ მთავრობის მეთაურის ან მთავრობის წევრების პერსონალიები.

„მიგვაჩნია, რომ პრემიერ-მინისტრ კვირიკაშვილის გადადგომა იყო დაგვიანებული, მაგრამ სწორი ნაბიჯი, ვინაიდან ბოლო პერიოდის მანძილზე სრულიად აშკარა იყო, რომ აღმასრულებელი ხელისუფლება ვერ უმკლავდებოდა ქვეყნის წინაშე არსებულ საშინაო, საგარეო და ეკონომიკურ გამოწვევებს.

იმავდროულად, სრულიად აშკარაა, რომ ქვეყნის წინაშე არსებული პრობლემები ბევრად უფრო ღრმაა ვიდრე მხოლოდ მთავრობის მეთაურის ან მთავრობის წევრების პერსონალიები. ქვეყნის მართვის არათანამედროვე, არადემოკრატიული და მანკიერი სისტემა კრიზისში შეიყვანს მთავრობის ნებისმიერ ახალ შემადგენლობას.

მიგვაჩნია, რომ შექმნილ ვითარებაში ერთადერთი სწორი გამოსავალი იქნება ახალი, დროებითი მთავრობის მიერ ვადამდელი საპარლამენტო არჩევნების მომზადება, რომელიც უნდა ჩატარდეს ახალი დემოკრატიული სისტემის საფუძველზე.

მივმართავთ, საქართველოს ხელისუფლებას პრემიერ-მინისტრს ზემოთ აღნიშნული მიზნის მისაღწევად განაახლოს პრემიერ კვირიკაშვილის პირობებში შეჩერებული დიალოგი ოპოზიციასთან, სამოქალაქო სექტორთან და საერთაშორისო ორგანიზაციებთან“, - ნათქვამია განცხადებაში.

ერთობლივ განცხადებას ხელს აწერენ -  „თავისუფალი საქართველო“ - კახა კუკავა;

„თავისუფლება“ - კონსტანტინე გამსახურდია; „ტრადიციონალისტთა კავშირი“ - აკაკი ასათიანი და „ქრისტიან-დემოკრატები“ - გოჩა ჯოჯუა.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა