საქართველოს წითელი ჯვრის საზოგადოებამ რაჭა-ლეჩხუმ-ქვემო სვანეთის გუბერნატორ არჩილ ჯაფარიძის და ლენტეხის მუნიციპალიტეტის მერ ბადრი ლიპარტელიანის მხარდაჭერით, ლენტეხის მუნიციპალიტეტის სოფელ მელეშში ხანძრის შედეგად დაზარალებულ ონიანების ოჯახს ჰუმანიტარული დახმარება გადასცა.

როგორც „ინტერპრესნიუსს“ საქართველოს წითელი ჯვრის საზოგადოებიდან აცნობეს, დაზარალებულ ოჯახს, საყოფაცხოვრებო ნივთებთან და ჰიგიენურ ამანათებთან ერთად, საოჯახო ტექნიკაც გადასცეს. სოფელ მელეშში, საქართველოს წითელი ჯვრის საზოგადოების წარმომადგენლებთან ერთად, მხარის გუბერნატორი არჩილ ჯაფარიძე, პარლამენტის მაჟორიტარი დეპუტატის ბიუროს უფროსი გიორგი მაქარაშვილი და ადგილობრივი ხელისუფლების წარმომადგენლები იმყოფებოდნენ.