კომაროვის თბილისის ფიზიკა-მათემატიკის N199 საჯარო სკოლაში კამპანიის „როდესაც სპორტი ცვლის სამყაროს“ ფარგლებში შეხვედრა გაიმართა

საკრებულოს სპორტისა და ახალგაზრდულ საქმეთა კომისიის ინიციატივით, ვლადიმერ კომაროვის თბილისის ფიზიკა-მათემატიკის N199 საჯარო სკოლაში კამპანიის „როდესაც სპორტი ცვლის სამყაროს“ ფარგლებში მოსწავლეებთან შეხვედრა გაიმართა.

როგორც „ინტერპრესნიუსს“ თბილისის საკრებულოდან აცნობეს, კამპანიის ფარგლებში, სპორტისა და ახალგაზრდულ საქმეთა კომისიის თავმჯდომარე, გიორგი ჩაკვეტაძე, საკრებულოს წევრები, ოლქის მაჟორიტარი დეპუტატი გიორგი ბირბიჩაძე და წარმატებული წყალბურთელები გიორგი ხვედელიანი და ირაკლი გოგელია სკოლის მოსწავლეებს შეხვდნენ და მათ ჯანსაღი ცხოვრების წესის და სპორტის სხვადასხვა სახეობების შესახებ მიაწოდეს ინფორმაცია.

დეპუტატებმა მოსწავლეებს გააცნეს მუნიციპალიტეტის მიერ დაგეგმილი სპორტული აქტივობები, რომელშიც ჩართვის შესაძლებლობაც მათ თავიანთი ინტერესების შესაბამისად ექნებათ.

„ჩვენ ვაგრძელებთ კამპანიას „როდესაც სპორტი ცვლის სამყაროს“. დღეს ახალგაზრდებს გავაცანით ყველა ის პრიორიტეტი და აქტივობა, რომელიც მუნიციპალიტეტს და საკრებულოს აქვს სპორტის კუთხით. მნიშვნელოვანია, რომ მოსწავლეებამდე მივიტანოთ ყველა სასიკეთო სიახლე,“ - განაცხადა გიორგი ჩაკვეტაძემ.

ვაკის მაჟორიტარი დეპუტატის გიორგი ბირბიჩაძის განცხადებით, შეხვედრაზე მოზარდებს გააცნეს სიახლეები, მოისმინეს მათი იდეები და შეთანხმდნენ მჭიდრო თანამშრომლობაზე.

წყალბურთელებმა მოსწავლეებს საკუთარი სპორტული გამოცდილების და წყალბურთის განვითარების კუთხით მიმდინარე სიახლეებზე მიაწოდეს ინფორმაცია.

საკრებულოს ინფორმაციით, კამპანიის პირველი ეტაპი 5 ივნისს დაიწყო და სამი სამაჟორიტარო ოლქის ცენტრალურ სკოლებში ჩატარდა. სექტემბრიდან კამპანია კვლავ გაგრძელდება და მუნიციპალიტეტის ყველა ოლქის ცენტრალურ საჯარო სკოლებს მოიცავს.

კამპანიის მიზანია სხვადასხვა აქტივობების განხორციელების გზით, ახალგაზრდების ცნობიერების ამაღლების, სპორტისა და ჯანსაღი ცხოვრების წესის პოპულარიზაციის ხელშეწყობა.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)