არჩილ თალაკვაძე - ბიძინა ივანიშვილი არის პარტია „ქართული ოცნების“ თავმჯდომარე - სხვა განხილვა მის სტატუსთან დაკავშირებით არ ყოფილა

ეს იყო პრეზიდენტ მარგველაშვილის ვარაუდი და ამ შემთხვევაშიც მისი პროგნოზი არის მცდარი, - ასე უპასუხა საპარლამენტო უმრავლესობის ლიდერმა არჩილ თალაკვაძემ ჟურნალისტების შეკითხვას, არის თუ არა პრემიერ-მინისტრობის ერთ-ერთი კანდიდატი პარტია „ქართული ოცნების“ თავმჯდომარე ბიძინა ივანიშვილი.

მისივე თქმით, ბიძინა ივანიშვილი ყრილობაზე პარტიამ თავმჯდომარედ აირჩია და მასთან სტატუსთან დაკავშირებით სხვა განხილვა არ ყოფილა.

„ეს იყო პრეზიდენტ მარგველაშვილის ვარაუდი და ამ შემთხვევაშიც მისი პროგნოზი არის მცდარი. ბიძინა ივანიშვილი არის პარტია „ქართული ოცნების“ თავმჯდომარე, შესაბამისად, ის ასრულებს ამ ფუნქციას და ამ სტატუსით მონაწილეობს გუნდთან ერთად კონსულტაციებში. სხვა განხილვა მის სტატუსთან დაკავშირებით არ ყოფილა“, - განაცხადა უმრავლესობის ლიდერმა.

საქართველოს პრეზიდენტის გიორგი მარგველაშვილის განცხადებით, ბიძინა ივანიშვილი, როგორც მმართველი პარტიის ლიდერი, უნდა გახდეს პრემიერ-მინისტრი.

როგორც მარგველაშვილმა აღნიშნა, უნდა დასრულდეს საქართველოში პროცესი, როცა საზოგადეობამ არ იცის, ვინ და რატომ ხსნის პრემიერ-მინისტრებს. საქართველოს პრეზიდენტმა მოუწოდა პოლიტიკურ ძალებს პრემიერ-მინისტრად ბიძინა ივანიშვილი დაასახელონ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს