ფოთში, ათონელის ქუჩაზე მდებარე საცხოვრებელ სახლში ხანძარი გაჩნდა

ფოთში, ათონელის ქუჩაზე მდებარე საცხოვრებელ სახლს ცეცხლი გაუჩნდა. შემთხვევის შედეგად არავინ დაშავებულა. არსებული ინფორმაციით, ხანძარი მოკლე ჩართვამ გამოიწვია. დამწვარია 80 კვადრატული მეტრი ფართობი.

ადგილზე მობილიზებული იყო სახანძრო-სამაშველო ბრიგადა და საპატრულო პოლიცია.

შემთხვევის ადგილზე მივიდა მერის მოადგილე მამუკა პაპასკირი. მისი თქმით, ადგილობრივი ხელისუფლება კანონის შესაძლებლობის ფარგლებში დაზარალებულ ოჯახს დახმარებას გაუწევს.

როგორც ,,ინტერპრესნიუსს“ შსს-ში განუცხადეს, გამოძიება 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.