უკრაინაში, ოდესის ოლქის ოვიდიოპოლის რაიონში პოლიციამ ტრეფიკინგის მსხვერპლი 30-მდე ადამიანი გაათავისუფლა. ამის შესახებ უკრაინის ეროვნული პოლიციის ხელმძღვანელმა სერგეი კნიაზევმა „ტვიტერის“ საკუთარ გვერდზე დაწერა.
„30-მდე ადამიანი მათი ნების საწინააღმდეგოდ გამოკეტილი ჰყავდათ და უფასოდ ამუშავებდნენ. მათზე ხორციელდებოდა ფიზიკური და მორალური ზეწოლა. ტრეფიკინგის მსხვერპლთა შორის არის 8 თვის ფეხმძიმე ქალი, რომელიც ამ პერიოდში არასდროს ყოფილა ექიმთან“, - წერს კნიაზევი.