17 ივნისს “ვეფხისტყაოსნის“ საჯაროდ კითხვის დღე გაიმართება
17 ივნისს, ეროვნული ბიბლიოთეკის დამოუკიდებლობის დარბაზში „ვეფხისტყაოსნის“ საჯაროდ კითხვა გაიმართება. როგორც „ინტერპრესნიუსს“ ეროვნული ბიბლიოთეკიდან აცნობეს, ღონისძიების ინიციატორია მწერალი დათო ტურაშვილი.
“ვეფხისტყაოსნის“ საჯაროდ კითხვის დღეს ნებისმიერ მსურველს ექნება შესაძლებლობა, პოემიდან მისთვის საყვარელი სტროფი წაიკითხოს. ღონისძიებაში მონაწილეობას მიიღებენ მწერლებიც და სკოლის მოსწავლეებიც.
„დამოუკიდებლობის დარბაზში სპეციალურად ამ დღისთვის წარმოდგენილი იქნება ბიბლიოთეკის იშვიათ გამოცემათა ფონდში დაცული „ვეფხისტყაოსნის“ უნიკალური გამოცემები“, - ნათქვამია ბიბლიოთეკის პრესსამსახურის ინფორმაციაში.
