გურიაში ყაჩაღობა მოხდა

გურიაში ყაჩაღობა მოხდა. ჯერჯერობით დაუდგენელი პირები სოფელ ლაითურში ებრაელ ბიზნესმენს დაყაჩაღების მიზნით სახლში შეუვარდნენ. არსებული ინფორმაციით, ბიზნესმენი ნაცემია. ასევე დაზიანებულია მის სახლში ინვენტარიც.

როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას გულისხმობს. ამ ეტაპზე სამართალდამცველები სხვადასხვა საგამოძიებო მოქმედებებს ატარებენ.