ქუთაისის მელიტონ ბალანჩივაძის სახელობის ოპერისა და ბალეტის სახელმწიფო თეატრში 49-ე თეატრალური სეზონი დახურეს. შემოქმედებითი სეზონი რევაზ ლაღიძის ოპერით „ლელა“ დაიხურა. სპექტაკლი ცნობილი საოპერო მომღერლის, ზურაბ ანჯაფარიძის თაოსნობით რამდენიმე ათული წლის წინ დაიდგა და ის მოგვიანებით რეჟისორმა მაია გაჩეჩილაძემ აღადგინა.
„შემოდგომაზე საიუბილეო რიგით 50-ე შემოქმედებით სეზონს გავხსნით, გაისად კი ქალაქი ღირსეულად აღნიშნავს ოპერის თეატრის იუბილეს“, - განუცხადა „ინტერპრესნიუსს“ თეატრის სამხატვრო ხელმძღვანელიმა ირინე ლომინაძემ.
ქუთაისის ოპერისა და ბალეტის სახელმწიფო თეატრი 1969 წელს გაიხსნა.