ძველი თბილისის რეაბილიტაცია მნიშვნელოვანია კულტურული მემკვიდრეობის შენარჩუნების თვალსაზრისით, - ამის შესახებ პარლამენტის თავმჯდომარემ ირაკლი კობახიძემ განაცხადა. მან თბილისის მერთან, კახა კალაძესთან ერთად გუდიაშვილის მოედანზე მიმდინარე სარეაბილიტაციო სამუშაოები დაათვალიერა და ხარისხიანად მიმდინარე სარემონტო სამუშაოებისთვის დედაქლაქის მერიას მადლობა გადაუხადა.

„ძალიან მნიშვნელოვანია ქალაქის ისტორიული ნაწილის, ძველი თბილისის რეაბილიტაცია. ეს არის მნიშვნელოვანი როგორც კულტურული მემკვიდრეობის შენარჩუნების თვალსაზრისით, ასევე ზოგადად, ქალაქის მრავალმხრივი განვითარების კუთხით. ეს საქმე აუცილებლად ქალაქის სიყვარულით, გულით უნდა გაკეთდეს. მე ვხედავ, რომ ასე კეთდება ეს საქმე. ამისთვის მინდა ძალიან დიდი მადლობა გადავუხადო ქალაქის მერს კახა კალაძეს და მთლიანად მერიას, რომელიც დაკავებულია ამ ძალიან მნიშვნელოვანი საქმით“, - განაცხადა ირაკლი კობახიძემ.