რუსთავში ძლიერი წვიმის შედეგად შიდა კვარტალური გზები დაიტბორა

რუსთავში ძლიერი წვიმის შედეგად რამდენიმე შიდა კვარტალური გზა დაიტბორა. იაღლუჯის მთიდან ჩამოსული უხვი ნალექი სანიაღვრე ჭებმა ვერ გაატარა და მე-8 მიკრორაიონში რამდენიმე შიდა ეზო დაიტბორა.

ანალოგიური მდგომარეობა იყო ტურგენევის ქუჩაზეც, სადაც შიდა კვარტალური ეზოები დაიტბორა. ადგილებზე „რუსთავსერვისცენტრის“ თანამშრომლები იმყოფებიან და ნიავღვარმიმღები ჭების გაწმენდა მიმდინარეობს.