„ნაციონალური მოძრაობის“ წევრების და ოზურგეთის საკრებულოს თავმჯდომარის შეხვედრა დასრულდა
„ნაციონალური მოძრაობის“ წევრების და ოზურგეთის საკრებულოს თავმჯდომარის დათო დარჩიას შეხვედრა დასრულდა. როგორც შეხვედრის დასრულების შემდეგ ოზურგეთის საკრებულოს „ნაციონალური მოძრაობის“ დეპუტატმა ბესო ქათამაძემ განაცხადა, თუ არ დაისჯებიან ინციდენტში მონაწილე პირები და იმ დეპუტატებს, რომლებიც მას თავს დაესხნენ, სადეპუტატო მანდატი არ შეუწყდებათ, აქციების შეწყვეტას არ აპირებენ.
როგორც ოზურგეთის საკრებულოს თავმჯდომარის მოადგილე გიორგი ღურჯუმელაძემ განაცხადა, „ნაციონალური მოძრაობის“ დეპუტატებმა მომხდარის შესახებ წერილობით აცნობეს. მისი თქმით, დოკუმენტს გაეცნობიან და შემდეგ ექნებათ შესაბამისი რეაგირება.
ამ წუთებში საპროტესტო აქცია ოზურგეთის საკრებულოს შენობასთან გრძელდება.
ოზურგეთის მერიის შენობასთან "ერთიანი ნაციონალური მოძრაობის" წევრები და სოფელ ნასაკირალის მოსახლეობა საპროტესტო აქციას რამდენიმე საათია მართავენ. ისინი რამდენიმე დღის წინ საკრებულოს დეპუტატ ბესო ქათამაძეზე თავდასხმის ფაქტს აპროტესტებენ.
