“ვითიბი ბანკმა“ სამომხმარებლო სესხზე საზაფხულო აქცია დაიწყო

15 ივნისიდან “ვითიბი ბანკი“ მომხმარებელს სამომხმარებლო სესხზე საზაფხულო აქციას სთავაზობს. როგორც „ინტერპრესნიუსს“ „ვითიბი ბანკის“ პრესსამსახურიდან აცნობეს, აქციის ფარგლებში შესაძლებელია 45 000 ლარამდე სესხის აღება 5 წლამდე ვადით.

“წლიური საპროცენტო განაკვეთი 6,9%-დან 13,9%-მდე (ეფექტური საპროცენტო განაკვეთი 16,4%-დან - 17%-მდე). აქცია მომხმარებელს საშუალებას აძლევს გააერთიანოს სესხები, შეიმციროს შენატანი და გადახდა დაიწყოს 3 თვის შემდეგ.

აქციის ფარგლებში, სამომხმარებლო სესხი გაიცემა ნებისმიერი მიზნობრიობით, უზრუნველყოფის გარეშე. სესხებზე საზაფხულო აქციის პირობები მოქმედებს 15 ივლისამდე“, - ნათქვამია ბანკის ინფორმაციაში.