კავკასიის საერთაშორისო უნივერსიტეტში ხვალ კონფერენცია გაიმართება

კავკასიის საერთაშორისო უნივერსიტეტი კონფერენციას სახელწოდებით - ,,ინოვაციური ტექნოლოგიები კლინიკურ იმუნოლოგიაში: იმუნოდიაგნოსტიკიდან პერსონალიზებულ დამიზნებით იმუნოთერაპიასა და იმუნორეაბილიტაციისკენ" - მასპინძლობს.

უნივერსიტეტის ინფორმაციით, სამეცნიერო სკოლა 15 ივნისს ივანე ჯავახიშვილის სახელობის თბილისის სახელმწიფო უნივერსიტეტში გაიხსნა და დასკვნითი ღონისძიება 19 ივნისს კავკასიის საერთაშორისო უნივერსიტეტში გაიმართება.

სამეცნიერო სკოლის დასკვნით სესიებსა და დებატებს კსუ-ს მედიცინის ფაკულტეტის დეკანი ლალი მეკოკიშვილი გახსნის.

სამეცნიერო სკოლის მიზანია იმუნოლოგიის დარგში ბიოსამედიცინო კვლევების პოტენციალის წარმოჩენა.

სკოლა კონფერენციის ფარგლებში თეორიულ კურსს კლინიკური და ფუნდამენტური იმუნოლოგიის აქტუალურ საკითხებზე ონკოიმუნოლოგიის, ონკოჰემატოლოგიის, ალერგოლოგიისა და დერმატოლოგიის მიმართულებით 80 სტუდენტი გადის.

სკოლა კონფერენციაში კსუ-ს მედიცინის ფაკულტეტის სტუდენტებიც მონაწილეობენ.

ღონისძიება საქართველოს ალერგოლოგიისა და კლინიკური იმუნოლოგიის ასოციაციის ორგანიზებით, რუსთაველის ეროვნული სამეცნიერო ფონდის დაფინანსებითა და კავკასიის საერთაშორისო უნივერსიტეტის, კომპანია EMD GROUP-ის, რობერტ ლუგარის საზოგადოებრივი ჯანმრთელობის კვლევით ცენტრის, ივანე ჯავახიშვილის სახელობის თბილისის სახელმწიფო და თბილისის სახელმწიფო სამედიცინო უნივერსიტეტების პარტნიორობით ტარდება.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს