იტალიაში მაფიოზური დაჯგუფების 60-მდე წევრი დააკავეს
იტალიელმა სამართალდამცველებმა ესპანელ კოლეგებთან ერთად რომის ერთ-ერთ გარეუბანში მაფიოზური დაჯგუფების 58 წევრი დააკავეს. ამის შესახებ რომის პოლიცია იუწყება.
ესპანეთისა და იტალიის პოლიციური უწყებების ერთობლივი სპეცოპერაცია რომის გარდა სარდინიაზე, მოლიზესა და პიემონტის რეგიონებში და ესპანეთის ტერიტორიაზეც მიმდინარეობს.
პოლიციის ინფორმაციით, მაფიოზური დაჯგუფება მონტესპაკატოს რაიონს აკონტროლებდა და გამოძალვით, ნარკოტიკებით ვაჭრობით და ფულის გათეთრებით იყო დაკავებული. დაკავებულებს ასევე ბრალი ადამიანის გატაცებაში, იარაღის ტარებასა და თაღლითობაში ედებათ.
