საპარლამენტო კომიტეტების გაერთიანებულ სხდომაზე მინისტრობის კანდიდატებმა კომიტეტებისგან მხარდაჭერა მიიღეს. საკომიტეტო განხილვების ბოლოს კენჭისყრაზე მთავრობის შემადგენლობისთვის მხარდაჭერის გამოცხადების საკითხი დადგა.
ყველა კომიტეტმა, ხმათა უმრავლესობით, პარლამენტში წარდგენილ მინისტრთა კაბინეტის განახლებულ შემადგენლობას მხარი დაუჭირა.
დღეს მოსმენები გაგრძელდება უმრავლესობის, უმცირესობისა და ფრაქციების ფარგლებში. ხვალ კი, მინისტრთა კაბინეტი ნდობის მისაღებად პარლამენტის პლენარულ სხდომაზე წარსდგება.
ამასთან, როგორც ცნობილია, პარლამენტს უახლოეს სამ-ოთხ კვირაში წარედგინება სტრუქტურულად და პერსონალურად შეცვლილი მთავრობის შემადგენლობა.