კანადის სენატმა მარიხუანას ლეგალიზაციის შესახებ კანონპროექტს დაუჭირა მხარი. ამის შესახებ კანადის პრემიერ-მინისტრმა ჯასტინ ტრიუდომ განაცხადა.

„ჩვენი ბავშვებისთვის მარიხუანას შოვნა ძალიან ადვილი იყო, ისევე როგორც დამნაშავეებისთვის - სარგებლის მიღება. დღეს ჩვენ ამას ვცვლით. მარიხუანას ლეგალიზაციისა და ბაზრის რეგულირების ჩვენი გეგმა სენატმა დაამტკიცა“, - წერს ტრიუდო „ტვიტერის“ საკუთარ გვერდზე.

„როიტერსის“ ინფორმაციით, კანონპროექტს 52-მა სენატორმა დაუჭირა მხარი, წინააღმდეგი კი 29 წავიდა.

ახალი კანონი ძალაში 2-3 თვის ვადაში შევა.