შერიგებისა და სამოქალაქო თანასწორობის საკითხებში საქართველოს სახელმწიფო მინისტრის მოვალეობის შემსრულებელი, ქეთევან ციხელაშვილი მიიჩნევს, რომ მცირე მთავრობის ინიციატივა არის სწორი. ციხელაშვილმა მის მიერ წარდგენილ პროგრამაზეც ისაუბრა და განაცხადა, რომ სამშვიდობო პოლიტიკა მომავალშიც გაგრძელდება.
„გუშინ წარმოვადგინეთ ჩვენი ხედვა, ერთგვარი ანაგარიშიც და სამომავლო პროგრამა. ყველა ის მიმართულება, რომელზეც იყო საუბარი, არის მნიშვნელოვანი. საქართველოს სამშვიდობო პოლიტიკა არის ურყევი, უცვლელი და თანმიმდევრული და რა თქმა უნდა, ეს გაგრძელდება მომავალშიც.
უკვე არსებობს ამ სამშვიდობო მისიის იმპლემენტაციის გეგმა, ყველაზე მნიშვნელოვანი გახლავთ ის, რომ ეს ყველაფერი განხორციელდეს“, - განაცხადა ქეთევან ციხელაშვილმა.