სალომე სამადაშვილი - პრემიერობის კანდიდატი არსებულ გამოწვევებზე არანაირ ხედვას არ ფლობს

„ნაციონალური მოძრაობის“ წევრის, სალომე სამადაშვილის განცხადებით, პრემიერ-მინისტრობის კანდიდატი არანაირ ხედვას არ ფლობს იმ გამოწვევებზე, რაც ეკონომიკას და ქვეყნის წინაშე მდგარ ამოცანებს უკავშირდება.

„პრემიერ-მინისტრობის კანდიდატს მოვუსმინეთ, რომელიც არც ერთი მიმართულებით არანაირ გამოცდილებას და არანაირ ხედვას არ ფლობს, რაც ქვეყნისთვის მთავარი გამოწვევაა. ეს შეეხება როგორც ეკონომიკას, ასევე ქვეყნის წინაშე მდგარ ამოცანებს. ეს იქნება უსაფრთხოება, საგარეო პოლიტიკა, უშიშროება და ა.შ.“, - განაცხადა სამადაშვილმა.

მისივე თქმით, მთავრობის წარმოდგენილი კანდიდატურები ცვლილებების თაობაზე საზოგადოების მოთხოვნებს არ ითვალისწინებს. „ეს იუსტიციის მინისტრსა და სამართალდამცავ სტრუქტურებს შეეხება“, - აღნიშნა სამადაშვილმა.

მისივე თქმით, პრემიერ-მინისტრს და მთავრობის შემადგენლობას მხარს არ დაუჭერს.

„რაც შეეხება მცირე მთავრობას, ბიუროკრატიული ხარჯების შემცირებას მხარს ყოველთვის ვუჭერთ, მაგრამ ის ცვლილებები, რაც წარმოდგენილია, ქვეყანაში მნიშვნელოვან სახელმწიფო მიმართულებებს დააზიანებს, როგორიცაა განათლება და კულტურა. მხარს ვერც ამ ცვლილებებს ვერ დავუჭერთ“, - განაცხადა სალომე სამადაშვილმა.

სტრასბურგი და ხვალეო!..
ქართული პრესის მიმოხილვა 23.07.2019
ვიტალი ბალა - 2019 წლის არჩევნების შედეგად უკრაინაში არ შედგა პრორუსულ ძალთა რევანში და არ გამართლდა პრორუსულ ძალთა მოლოდინი
შს მინისტრის პირველი მოადგილე - 20 ივნისს შეუძლებელი იყო რომელიმე პოლიტიკოსის იქიდან გამორიდება, მასა იყო აგრესიული და შეტევაზე გადადიოდა
თბილისში სულხან-საბა ორბელიანის უნივერსიტეტის ახალი კამპუსის და საერთო საცხოვრებლის მშენებლობა მიმდინარეობს