მამუკა ბახტაძე - ჭარბვალიანობა დაიწყო 2007 წელს შეტანილი ცვლილებებიდან, რის შემდეგაც ქვეყანამ მიიღო „ე.წ. სესხები 200-300-400 და 500%-ით“

ჭარბვალიანობა არ დაწყებულა გუშინ და გუშინწინ, ვფიქრობ, რომ ეს ყველაფერი დაიწყო 2007 წელს შეტანილი ცვლილებებიდან, - ამის შესახებ პრემიერობის კანდიდატმა მამუკა ბახტაძემ პარლამენტში "ნაციონალური მოძრაობის“ დეპუტატის, რომან გოცირიძის საპასუხოდ განაცხადა.

ბახტაძის თქმით, სწორედ 2007 წელს ეფექტურ განაკვეთზე ზედა ზღვარი მოიხსნა, რის შემდეგაც ქვეყანამ მიღო „ე.წ. სესხები 200-300-400 და 500%-ით“.

„პირველი, ბატონო რომან, რაზეც მინდა გამოგეხმაუროთ, ეს გახდა ძალიან მნიშვნელოვანი პრობლემა, უფრო მეტიც, ეს არის გრძელვადიან პერსპექტივაში სისტემური რისკი და ამ რისკს სჭირდება შესაბამისი მართვა. რაც შეეხება იმას, თუ როდის დაიწყო ეს ყველაფერი? ეს ყველაფერი არ დაწყებულა გუშინ და გუშინწინ, ვფიქრობ, რომ ეს ყველაფერი დაიწყო 2007 წელს შეტანილი ცვლილებებიდან, რომლის მიხედვითაც თქვენ მოხსენით ეფექტურ განაკვეთზე ზედა ზღვარი და ამის შემდეგ მივიღეთ ჩვენ ე.წ. სესხები 200-300-400 და 500%-ით, ეს იყო ძალიან ცუდი გადაწყვეტილება, ბ-ნო რომან. საერთაშორისო სავალუტო ფონდი და მსოფლიო ბანკი არაერთხელ მოგვიწოდებდა, რომ არ შეიძლება იყოს ასიმეტრიული რეგულაცია ფინანსურ სექტორში, არ შეიძლება ბანკები რეგულირდებოდნენ ერთით, მიკროსაფინანსოები მეორით და კიდევ სხვები განსხვავებულით. ეს არ ხდება არსად, ხომ? თქვენ დასვამთ კითხვას, რატომ არ გავაკეთეთ ეს ადრე? დიახ, ვფიქრობ, რომ მე გავაკეთებდი ადრე, მაგრამ აქვე ისიც უნდა აღვნიშნო, რომ სამწუხაროდ, სანამ ეროვნულ ბანკში არ მოხდა მენეჯმენტის ცვლილება, ეს გაჭირდა. რა თქმა უნდა, ეს უნდა გაკეთებულიყო ადრე და პრობლემაც ნაკლები იქნებოდა“, - განაცხადა მამუკა ბახტაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან