მამუკა ბახტაძე - მინდა მადლობა გადავუხადო ყველა წინამორბედს

მინდა მადლობა გადავუხადო ყველა წინამორბედს, რომელმაც ძალიან ბევრი გააკეთა ჩვენი შიდა ორგანიზაციული საქმიანობის გაუმჯობესებისთვის, ძალიან დიდი წვლილი შეიტანა იმ საგარეო წარმატებების შექმნაში, რომელიც დღეს გვაქვს, - ამის შესახებ მამუკა ბახტაძემ პარლამენტის რიგგარეშე სხდომაზე, დასკვინითი სიტყვით გამოსვლისას განაცხადა.

ბახტაძემ პარლამენტს პირობა მისცა, რომ ძალიან მოკლე ვადაში, ორ-სამ კვირაში წარადგენს მთავრობის განახლებული სტრუქტურას, რომელიც ორიენტირებული იქნება იმ პრობლემების გადაჭრაზე, რაც ქვეყანას ეკონომიკაში აქვს.

“მინდა გთხოვოთ ნდობა, რომ მომცეთ საშუალება, უმოკლეს ვადაში წარმოვადგინო ის ცვლილებები, რომლის მიხედვით, ჩვენ ჩვენი ქვეყანა განვითარების ახალ ეტაპზე უნდა გადავიყვანოთ. ჩვენ უნდა ჩამოვაყალიბოთ ისეთი სისტემა, რომელიც გაუმკლავდება გამოწვევებს, რომელიც დღეს ჩვენი ერისა და ქვეყნის წინაშე არსებობს. მე წარმოვადგინე პროგრამა, სადაც მოცემულია ყველა ის ძირითადი რეფორმა და პრიორიტეტული მიმართულება, რომელზეც ჩვენ აქტიურად ვმუშაობთ და რომელსაც ჩვენს პროგრამაში განვავითარებთ. ეს იქნება საწინდარი იმისა, რომ შევძლებთ, ეფექტურად გავუმკლავდეთ ყველა გამოწვევას და პრობლემას, რაც დღეს საქართველოს წინაშე არსებობს - ეს არის სიღარიბე, უმუშევრობა, იმ ინსტიტუტების განმტკიცება, რომელმაც უნდა უზრუნველყოს საქართველოს შემდგომი მდგრადი განვითარება და მისი ინტეგრაცია ევრტოატლანტიკურ სტრუქტურებში“, - მიმართა პარლამენტს მამუკა ბახტაძემ.

პარლამენტმა მთავრობის განახლებულ შემადგენლობას და სამთავრობო პროგრამას - “თავისუფლება, სწრაფი განვითარება, კეთილდღეობა“ ნდობა გამოუცხადა. მთავრობა 99 ხმით (6 წინააღმდეგი) დაამტკიცეს.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 29.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
კორონავირუსის გავლენა ეკონომიკაზე  -  1.1 ტრილიონიანი დანაკარგი
ყველა ბიზნეს პროცესის ავტომატიზაცია - Nova-სა და BDO-ს პარტნიორობა
აღნიშნეთ დედის დღე სასტუმრო „ქორთიარდ მარიოტში“ (R)