დეპუტატ ზვიად კვაჭანტირაძეს ავტოსაგზაო შემთხვევა მოუვიდა

უმრავლესობის დეპუტატს, ზვიად კვაჭანტირაძეს ავტოსაგზაო შემთხვევა მოუვიდა. ავარია ზესტაფონში იმ დროს მოხდა, როდესაც "ქართული ოცნების" წევრი ქუთაისიდან თბილისში ბრუნდებოდა.

წინასწარი ინფორმაციით, დეპუტატის ავტომობილს საპირისპირო მიმართულებით მოძრავი მიკროავტობუსი შეეჯახა. ავარიის შედეგად არავინ დაშავებულა.

როგორც „ინტერპრესნიუსს“ შინაგან საქმეთა სამინისტროში განუცხადეს, ავტოსაგზაო შემთხვევაში მონაწილე მიკროავტობუსის მძღოლი, რომლის ბრალეულობაც გამოიკვეთა, ადმინისტრაციულ სამართალდაღვევათა კოდექსის 125-ე მუხლის შესაბამისად დაჯარიმდა.