ერაყის ფედერალურმა სასამართლომ საპარლამენტო არჩევნების შედეგების გადახედვას მხარი დაუჭირა

ერაყის ფედერალურმა სასამართლომ მხარი დაუჭირა პარლამენტის რეზოლუციას, რომელიც საპარლამენტო არჩევნების შედეგების გადახედვას ითვალისწინებდა.

ამის შესახებ ტელეარხ Al Hadath-ის ეთერში სასამართლოს წარმომადგენელმა განაცხადა.

„უზენაესი ფედერალური სასამართლო მხარს უჭერს პარლამენტში მიღებულ ცვლილებას, რომელიც არჩევნების შესახებ კანონს ეხება. ამომრჩეველთა ხმები ხელახლა უნდა გადაითვალონ. ამავდროულად, ძალაში რჩება საზღვარგარეთ ჩატარებული არჩევნების შედეგები“, - განაცხადა სასამართლოს წარმომადგენელმა.

საპარლამენტო არჩევნები ერაყში 12 მაისს, ქვეყნის ტერორისტებისგან გათავისუფლების შემდეგ პირველად გაიმართა. არჩევნების პროცესში გამოიყენებოდა ელექტრონული ურნები და ხმების დათვლის ავტომატიზირებული სისტემა. პრემიერ-მინისტრის ჰაიდერ ალ-აბადის განცხადებით, სპეციალურმა კომისიამ სერიოზული დარღვევები აღმოაჩინა, ამიტომ ხმების ხელახლა დათვლაა საჭირო.

საარჩევნო კომისიის ინფორმაციით, არჩევნებში გამარჯვება მოიპოვა კოალიციამ, რომელსაც სათავეში პოპულარული შიიტი ღვთისმეტყველი მუქთადა ას-სადრი უდგას, პრემიერ-მინისტრის ჰაიდერ ალ-აბადის კოალიციამ კი მესამე ადგილი დაიკავა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა