თბილისის ეროვნულ პარკში, კონკრეტულად კი ზედაზნის ტყეში, ხვალ საბავშვო ქალაქი - მოკოლენდი გაიხსნება. პროექტი სათავგადასავლო ტურიზმის განვითარების ასოციაციამ, შპს „სანტეს“ დაფინანსებით განახორციელა.

ბილიკის სიგრძე 4,4 კილომეტრია და ზედაზნის ტყეს სოფელ შანქევანთან აკავშირებს. ზღვის დონიდან 1010 მეტრზე კი მოეწყო საპიკნიკე და გასართობი სივრცე - ეკოლოგიურად სუფთა, ხის კონსტრუქციებით დაკომპლექტებული გასართობი მოედანი, სადაც პატარა სტუმრებს ლოკომოკოს და მათთვის საყვარელი მულტფილმის „მოკოლენდის“ გმირების თემატური საპიკნიკე უმასპინძლებს.

„ზაფხულის განმავლობაში არაერთი ღონისძიებაა დაგეგმილი, თუმცა, ლოკომოკოს ბილიკზე მისვლა მსურველებს, მათთვის სასურველ ნებისმიერ დღესა და დროს შეეძლებათ. მათ საინფორმაციო დაფებზე სახალისო, გონიერი და ოჯახური თამაშები დახვდებათ“, - აცნობეს „ინტერპრესნიუსს“ საბავშვო ქალაქის პროექტის ორგანიზატორებმა.