„ბასიანის“ ერთ-ერთი დამფუძნებელი - განჩინებას, რის საფუძველზეც სამართალდამცველები კლუბში მოვიდნენ, მოქმედების ვადა გასული აქვს

განჩინებას, რის საფუძველზეც სამართალდამცველები დოკუმენტაციის შესამოწმებლად მოვიდნენ, მოქმედების ვადა გასული აქვს, - ამის შესახებ კლუბ „ბასიანის“ ერთ-ერთმა დამფუძნებელმა ტატო გეთიამ განაცხადა.

როგორც მან ჟურნალისტებთან საუბრისას აღნიშნა, გამომძიებლები პასუხს არ სცემენ კითხვაზე, თუ რატომ მივიდნენ ღამის კლუბში გასულ თვეს გამოცემული განჩინებით.

"საკმაოდ ქაოსური სიტუაციაა. ჩვენ ახლა მივაქციეთ ყურადღება, რომ გარდა საიდენტიფიკაციო კოდის ცდომილებისა, განჩინება გამოცემულია 24 მაისს.

ეს ნიშნავს, რომ დოკუმენტის მოქმედების ვადა გასულია.

მე ვფიქრობ, რომ ეს არის ბინძური კამპანია, რასაც ემატება ის, რომ ავრცელებენ სიცრუეს, თითქოს დოკუმენტაციის შემოწმება ურთიერთშეთანხმების საფუძველზე ხდება“, - განაცხადა ტატო გეთიამ.

კლუბ „ბასიანის“ ოფისში სამართალდამცველები ამ დრომდე იმყოფებიან. კლუბის ადმინისტრაციის ინფორმაციით, შსს-ს წარმომადგენლებს ფინანსური დოკუმენტაციის შემოწმება სურთ, თუმცა შესაბამისი ნებართვის არარსებობის გამო ადმინისტრაცია სამართალდამცველებს ამის საშუალებას არ აძლევს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს