შსს-მ მწერალ ზურაბ აბაშიძის მიმართ განხორციელებულ ძალადობის ფაქტზე გამოძიება დაიწყო

შინაგან საქმეთა სამინისტრომ მწერალ ზურაბ აბაშიძის მიმართ განხორციელებულ ძალადობის ფაქტზე გამოძიება სისხლის სამართლის კოდექსის 126-ე მუხლით დაიწყო. როგორც „ინტერპრესნიუსს“ შინაგან საქმეთა სამინისტროში განუცხადეს, „ფეისბუქზე“ გავრცელებული ინფორმაციის საფუძველზე შინაგან საქმეთა სამინისტროს ადამიანის უფლებათა დაცვის დეპარტამენტმა გავრცელებული პოსტის ავტორი და მისი მეგობრები გასაუბრების მიზნით სამინისტროში დაიბარა.

როგორც უწყებაში განმარტავენ, გენერალურმა ინსპექციამ დაიწყო აღნიშნული ფაქტის შესწავლა, რათა დადგინდეს, ჰქონდა თუ არა პოლიციის მხრიდან უფლებამოსილების გადამეტებას ადგილი, ხოლო იმ შემთხვევაში, თუ მსგავსი დანაშაულის ნიშნები გამოვლინდება, გამოძიება დაიწყება.

რაც შეეხება თავად ფაქტს გამოძიება დაიწყო ძალადობის ფაქტზე სისხლის სამართლის კოდექსის 126-ე მუხლით.

მწერალმა ზურაბ აბაშიძემ მასზე განხორციელებული თავდასხმის შესახებ „ფეისბუქის“ საკუთარ გვერდზე დაწერა.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან