დავით ზალკალიანი საქართველოში აშშ-ის ელჩის მოვალეობის შემსრულებელს შეხვდა

საგარეო საქმეთა მინისტრი დავით ზალკალიანი საქართველოში აშშ-ის ელჩის მოვალეობის შემსრულებელს ელიზაბეტ რუდს შეხვდა. როგორც „ინტერპრესნიუსს“ საგარეო საქმეთა სამინისტროდან აცნობეს, შეხვედრის მთავარ თემას საქართველოსა და აშშ-ს ორმხრივი თანამშრომლობის საკითხები წარმოადგენდა. მხარეებმა ასევე განიხილეს ნატო-ს ბრიუსელის სამიტისთვის მზადება. დავით ზალკალიანმა მადლობა გადაუხადა აშშ-ს მხარეს 2018 წლის ფისკალური წლის აშშ-ს ბიუჯეტში საქართველოს მხარდამჭერი რედაქციის გათვალისწინებისთვის, რომელიც საქართველოს ტერიტორიების ოკუპაციას გმობს. განსაკუთრებით აღინიშნა საქართველოსა და აშშ-ს სტრატეგიული პარტნიორობის შეუქცევადობა.

აშშ-ს ელჩის მოვალეობის შემსრულებელმა დავით ზალკალიანს მინისტრის თანამდებობაზე დანიშვნა მიულოცა. შეხვედრისას ელიზაბეტ რუდმა საქართველოს ნატო-ში გაწევრიანების კურსისადმი და ქვეყნის ტერიტორიული მთლიანობისა და სუვერენიტეტისადმი აშშ-ს მტკიცე მხარდაჭერა დაადასტურა.

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 09.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი