თურქეთის იუსტიციის მინისტრი - არჩევნების დროს რაიმე სახის სერიოზული შემთხვევა არ დაფიქსირებულა

თურქეთში, სადაც ვადამდელი საპრეზიდენტო და საპარლამენტო არჩევნები მიმდინარეობდა, ადგილობრივი დროით 17:00 საათისთის ხმის მიცემის პროცესი ყოველგვარი სერიოზული ინციდენტების გარეშე დასრულდა. ამის შესახებ „ანადოლუ“ იუწყება.

თურქეთის იუსტიციის მინისტრის აბდულჰამით გიულის განცხადებით, ქვეყანაში არჩევნების მსვლელობისას რაიმე სახის სერიოზული შემთხვევა არ დაფიქსირებულა. ეუთოს არჩევნების პერიოდში მონიტორინგის დროს შეზღუდვები არ ჰქონია.

ამასთან, თურქეთის სამხრეთ ნაწილში იყო გარკვეული ინციდენტები, რაც საარჩევნო ბიულეტენების გადაყრას უკავშირდება. ასევე ზოგიერთ პროვინციაში დააკავეს უცხოეთის 10 მოქალაქე, რომელთაგან სამი ფრანგია, სამი გერმანელი და ოთხი იტალიელი. ისინი საარჩევნო უბნებზე შესვლას ცდილობდნენ და აცხადებდნენ, რომ ეუთოს დამკვირვებლები იყვნენ.