მუხარემ ინჯე - ბატონო ერდოღანო, ნუ იქცევით ისე, თითქოს პარტიის ხელმძღვანელი ბრძანდებით, თქვენ ქვეყნის ყველა მოქალაქის პრეზიდენტი ხართ

თურქეთის საპრეზიდენტო არჩევნებზე რეჯეფ თაიფ ერდოღანის მთავარმა ოპონენტმა, „რესპუბლიკური სახალხო პარტიის“ კანდიდატმა მუხარემ ინჯემ განაცხადა, რომ არჩევნების შედეგებს აღიარებს.

„თუ დღეს 15-მა მილიონმა ადამიანმა დამიჭირა მხარი, ეს ნიშნავს, რომ ხვალ 30 მილიონი დამიჭერს მხარს. ბატონო ერდოღანო, ნუ იქცევით ისე, თითქოს თქვენ პარტიის ხელმძღვანელი ბრძანდებით. ამიერიდან, თქვენ ქვეყნის ყველა მოქალაქის პრეზიდენტი ბრძანდებით. ეს სრულიად უპატიოსნო არჩევნები იყო, მაგრამ მის შედეგებს ვაღიარებ“, - განაცხადა ინჯემ.

მისივე თქმით, ახალი საპრეზიდენტო სისტემა თურქეთისთვის დიდ საფრთხეს წარმოადგენს.

„ხელისუფლების ერთი ადამიანის ხელში გადაცემა დიდი რისკია ქვეყნისთვის. თურქეთი ერთი კაცის რეჟიმზე გადავიდა“, - აღნიშნა მან.

გუშინ გამართულ საპრეზიდენტო არჩევნებში მუხარემ ინჯემ ამომრჩეველთა ხმების 30,7% მიიღო.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა