ევროპის საბჭოს საპარლამენტო ასამბლეის თავმჯდომარედ შვეიცარიელი პარლამენტარი ლილიან მორი პასკიე აირჩიეს. აღსანიშნავია, რომ ლილიან მორი პასკიე ერთადერთი კანდიდატი იყო აღნიშნულ თანამდებობაზე.
ევროპის საბჭოს საპარლამენტო ასამბლეის ყოფილი თავმჯდომარე მიკელე ნიკოლეტი მას შემდეგ გადადგა, რაც იტალიაში საპარლამენტო არჩევნებზე დამარცხდა.
გასულ წელს ევროპის საბჭოს საპარლამენტო ასამბლეამ ესპანელი პედრო აგრამუნტი გადააყენა თავმჯდომარის თანამდებობიდან მისი სირიაში გამგზავრების გამო.
ლილიან მორი პასკიე ევროპის საბჭოს საპარლამენტო ასამბლეაში 2012 წლიდან მუშაობს.