„მეღვინეობა ხარება“ ჭადრაკში საქართველოს პირველი კორპორატიული ჩემპიონატის ჩემპიონი გახდა. ამის შესახებ „ინტერპრესნიუსს“ მეღვინეობა „ხარებიდან“ აცნობეს. მათი ინფორმაციით, 23-24 ივნისს „მეღვინეობა ხარება“ ჭადრაკში გამართულ საქართველოს პირველი კორპორატიული ჩემპიონატის გამარჯვებული გახდა. შეჯიბრის ფარგლებში 9 ტური ჩატარდა, სადაც 22 გუნდი მონაწილეობდა.
ტურნირი შვეიცარიული სისტემით ჩატარდა, თითო გუნდი 4 მოთამაშისგან შედგებოდა - I დღე - 4 ტური - 3 მოგება, 1 ფრე, II დღე - 5 ტური - 4 მოგება, 1ფრე.
გუნდი გამარჯვებით საპრიზო ფონდს და პარიზში ევროპის კორპორატიულ ჩემპიონატზე მონაწილეობის უფლებას დაეუფლა.