ნატო საქართველოს საგანგებო სიტუაციების მართვის სისტემის განვითარებითაა დაინტერესებული

ნატოს შტაბ-ბინაში საგანგებო სიტუაციების მართვის დაგეგმვის კომიტეტის ფარგლებში, მოწვეულ პარტნიორებთან - საქართველოსთან, ფინეთთან და შვედეთთან - ალიანსის წევრი ქვეყნების შეხვედრა გაიმართა. ამის შესახებ „ინტერპრესნიუსს“ საგანგებო სიტუაციების მართვის სამსახურიდან აცნობეს.

მათი ინფორმაციით, შეხვედრაზე განიხილეს საქართველოში საგანგებო სიტუაციების მართვის სფეროში მიმდინარე რეფორმები და აქტივობები, საგანგებო სიტუაციების მართვის სამსახურის განვითარების ხუთწლიანი სტრატეგიული გეგმა. შეხვედრაზე საუბარი შეეხო ასევე ნატო - საქარათველოს არსებითი პაკეტის ფარგლებში კრიზისების მართვის მიმართულებით დაგეგმილ აქტივობებს.

როგორც საგანგებო სიტუაციების მართვის სამსახურის ინფორმაციაშია აღნიშნული, ნატო დაინტერესებულია საქართველოს საგანგებო სიტუაციების მართვის სისტემის განვითარებით. მხარეები თანამშრომლობის გაღრმავებაზე შეთანხმდნენ.

აღნიშნულ შეხვედრაში საგანგებო სიტუაციების მართვის სამსახურის უფროსის მოადგილე, შალვა ხუციშვილი და საერთაშორისო ურთიერთობების სამმართველოს უფროსი, შალვა კვინიხიძე მონაწილეობენ.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 22.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა
„ტერაბანკმა“ იურიდიული პირებისთვის მობაილბანკი შექმნა