იენს სტოლტენბერგი - საქართველოს და უკრაინის წევრობის საკითხს 29 ქვეყანა გადაწყვეტს, არავის საქმე არაა, ჩაერიოს ამ პროცესში

ჩვენ მხარს ვუჭერთ საქართველოსა და უკრაინის მისწრაფებებს ნატო-ში ინტეგრაციის კუთხით. ამის შესახებ ნატო-ს გენერალურმა მდივანმა იენს სტოლტენბერგმა „დოიჩე ველეს“ ჟურნალისტისთვის მიცემულ ინტერვიუში განაცხადა.

„ამ ქვეყნების წევრობის საკითხს ნატო-ს 29 წევრი ქვეყანა გადაწყვეტს. არავის საქმე არაა შეეცადოს ჩაერიოს ამ პროცესში ან რამენაირად ვეტო დაადოს“, - განაცხადა ნატო-ს გენერალურმა მდივანმა.

მისივე თქმით, აბსოლუტურად მიუღებელია, რომ „რუსეთი თავისი გავლენის სფეროებს აყალიბებდეს და წყვეტდეს, თუ რა უნდა მოიმოქმედონ მისმა მეზობლებმა“.

იენს სტოლტენბერგმა ასევე განაცხადა, რომ „ნატო-მ ადაპტირება უნდა მოახდინოს განსაკუთრებით იმის გათვალისწინებით, როდესაც რუსეთი უზარმაზარ ინვესტიციებს დებს თანამედროვე აღჭურვილობაში და სამხედრო ძალის გამოყენება სურს თავისი მეზობლების წინააღმდეგ“.

„ჩვენ ეს საქართველოში ვიხილეთ, ჩვენ დღეს ამას უკრაინაში ვხედავთ“, - დასძინა მან.

გავლენის ოპერაციები ანუ „მკვლელობათა ჯაჭვი“
ქართული პრესის მიმოხილვა 19.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს