ილია წულაია - დასანანია, რომ არავის გაუჩნდა სურვილი სიმბოლურ ფასად მიეღო და განეხორციელებინა ქალაქისთვის საჭირო პროექტი

დასანანია, რომ არავის გაუჩნდა სურვილი სიმბოლურ ფასად მიეღო და განეხორციელებინა ქალაქისთვის საჭირო პროექტი, - ამის შესახებ საპარლამენტო უმრავლესობის წევრმა, ილია წულაიამ განაცხადა.

დეპუტატი გამოეხმაურა ინფორმაციას იმის შესახებ, რომ მიწისქვეშა პარკირების მოწყობაზე გამოცხადებულ ინტერესთა გამოხატვა ჩავარდა, ვინაიდან სურვილი არავინ გამოხატა.

“დასანანია, რომ არავის გაუჩნდა სურვილი სიმბოლურ ფასად მიეღო და განეხორციელებინა ქალაქისთვის საჭირო ეს პროექტი. ერთი მხრივ, სერიოზული საკომუნიკაციო სამუშაოა გასაწევი მსხვილ საინვესტიციო და ფინანსურ ჯგუფებთან, რომ ამ პროექტში გვერდით დაუდგნენ მერიას და მიიღონ მონაწილეობა დედაქალაქის სატრანსპორტო პრობლემების მოგვარებაში. მეორე მხრივ, ძალიან საინტერესოა ჩვენი პოლიტიკური ოპონენტების შეფასებები ამ თემასთან დაკავშირებით, მიწისქვეშა პარკინგის მშენებლობის ანალოგიური შემთხვევა, პუშკინის სკვერის ქვეშ, მახსოვს პოლიტიკური განცხადებების და შეთქმულების თეორიების აგების საბაბი გახდა ყოფილი ხელისუფლების წარმომადგენლების მხრიდან. მიწისქვეშა ავტოსადგომების მოწყობა თბილისში ნაწილობრივ საქველოქმედო პროექტია - ნებისმიერი, ბიზნესში ოდნავ მაინც გარკვეული ადამიანი, დამეთანხმება ამაში. შესაბამისად, ნებისმიერი კომპანია თუ ინვესტორი, ვინც ამ ინტერესთა გამოხატვაში მიიღებს მონაწილეობას, არის დასაფასებელი, მხარდასაჭერი და არა საკუთარი პოლიტიკური ამბიციების და პარტიული ინტერესების გამო ცილისწამებაში და კრიტიკაში გასახვევი. იმედი მაქვს, ჩვენი ქვეყნის ბიზნესი მოახდენს თავისი ძალების და საერთაშორისო კონტაქტების მაქსიმალურ მობილიზებას, რომ მხარი ავუბათ მერიის ისეთ პროექტებს, რაც თბილისელების და დედაქალაქის სტუმრების მაქსიმალურ კომფორტს შეუწყობს ხელს“, - განაცხადა ილია წულაიამ.

თბილისის მერმა კახა კალაძემ დედაქალაქის მთავრობის სხდომაზე განაცხადა, რომ ვაგზლის მოედნის, ვარკეთილის მეტროსა და გეგეშიძის სკვერის მიმდებარე ტერიტორიებზე მიწისქვეშა პარკინგის მოსაწყობად, გამოცხადებულ ინტერესთა გამოხატვაში მონაწილეობა არც ერთ კომპანიას არ მიუღია, რაც, მისი თქმით, იმაზე მეტყველებს, რომ ამ მიმართულებით ბიზნეს აქტივობა საკმაოდ დაბალია. ინტერესთა გამოხატვა 22 ივნისს დასრულდა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა