ბათუმში შუახნის მამაკაცი საცხოვრებელი კორპუსიდან გადმოვარდა

ბათუმში, თამარის დასახლებაში შუახნის მამაკაცი საცხოვრებელი კორპუსის მეოთხე სართულიდან გადმოვარდა. როგორც სასწრაფო სამედიცინო დახმარების ცენტრში "ინტერპრესნიუსს“ განუცხადეს, შემთხვევის ადგილზე მისულ ბრიგადას მამაკაცი გარდაცვლილი დახვდა.

არსებული ინფორმაციით, მამაკაცი ფანჯრის გაღების დროს გადმოვარდა. შემთხვევის ადგილზე სამართალდამცავები იმყოფებიან.