„ენერგო-პრო ჯორჯიას“ ინფორმაციით, კომპანია ენერგეტიკის დარგის პოპულარიზაციას განაგრძობს

ენერგეტიკის დარგის პოპულარიზაციის პროექტის ფარგლებში, სს „ენერგო-პრო ჯორჯია“ რეგიონებში უფროსკლასელებისთვის საჩვენებელი გაკვეთილების ჩატარებას განაგრძობს, - ამის შესახებ “ინტერპრესნიუსს“ კომპანია „ენერგო - პრო ჯორჯიადან“ აცნობეს. მათი ინფორმაციით, მე-8 და მე-9 კლასის მოსწავლეებს კომპანიის თანამშრომლებმა ელექტროენერგიის გამომუშავების მეთოდები გააცნეს და ელექტროობასთან დაკავშირებული მცირე სახალისო ცდები ჩაატარეს.

ამასთან, „ენერგო - პრო ჯორჯიას“ ცნობით, მოსწავლეები კომპანიის საკუთრებაში არსებულ ჰიდროელექტროსადგურებზე ექსკურსიაზეც იმყოფებოდნენ.

„პროექტის ძირითად მიზანს წარმოადგენს ენერგეტიკისა და ელექტროინჟინერიის დარგების პოპულარიზაცია, რაც კომპანიის ადამიანური რესურსების დეპარტამენტის სტრატეგიის ნაწილია. USAID-თან ერთად, კომპანია აღნიშნულ პროექტს, საქართველოს სხვადასხვა რეგიონის სკოლებში 2016 წლიდან ახორციელებს. ამ დროისთვის საჩვენებელი გაკვეთილები უკვე 100-მდე სკოლაში ჩატარდა. აღნიშნული პროექტი გაგრძელდება 2018-2019 სასწავლო წელსაც.

სკოლებს, რომლებსაც სურთ აღნიშნულ პროექტში ჩართვა, შეუძლიათ მიმართონ "ენერგო-პრო ჯორჯიას" ადამიანური რესურსების დეპარტამენტს”, - ნათქვამია ინფორმაციაში.

გარდა ამისა, ენერგეტიკის დარგში მეტი ახალგაზრდა კადრის მოზიდვის მიზნით, სს „ენერგო-პრო ჯორჯია“ სხვადასხვა პროექტს ახორციელებს.

„პროფესიული საგანმანათლებლო დაწესებულებების წარჩინებულ სტუდენტებს, კომპანია საშუალებას აძლევს, მომავალი დასაქმების პერსპექტივით პრაქტიკული მეცადინეობა გაიარონ კომპანიაში. სს „ენერგო-პრო ჯორჯია“ მონაწილეობს საგანმანათლებლო პროგრამებისა და სტანდარტების განახლების პროცესში; აგრეთვე აქტიურად, იღებს მონაწილეობას დარგის პედაგოგების გადამზადებაში”, - ნათქვამია კომპანიის ინფორმაციაში.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა