საქართველოს საგარეო საქმეთა მინისტრმა დავით ზალკალიანმა საქართველოში სომხეთის რესპუბლიკის საგანგებო და სრულუფლებიან ელჩთან რუბენ სადოიანთან შეხვედრა გამართა.
როგორც „ინტერპრესნიუსს“ საქართველოს საგარეო საქმეთა სამინისტროდან აცნობეს,
სომხეთის მხარემ დავით ზალკალიანს გადასცა სომხეთის რესპუბლიკის საგარეო საქმეთა მინისტრის მოლოცვის წერილი საგარეო საქმეთა მინისტრის თანამდებობაზე დანიშვნასთან დაკავშირებით.
მხარეებმა განიხილეს საქართველოსა და სომხეთს შორის ორმხრივი თანამშრომლობის საკითხები. აღინიშნა, რომ საქართველოს ახალი მთავრობა კვლავ გააგრძელებს სომხეთთან პოზიტიურ ურთიერთობებსა და კეთილმეზობლურ თანამშრომლობას.
რუბენ სადოიანმა წარმატება უსურვა დავით ზალკალიანს მინისტრის თანამდებობაზე საქმიანობაში და დაადასტურა სომხეთის მხარის მზადყოფნა განაგრძოს აქტიური თანამშრომლობა.