მამუკა ბახტაძის მიერ იმის თქმა, რომ ხარჯებს არ გაზრდიან, ეს მცირე მთავრობის იდეის არასწორ გაგებას ნიშნავს, - ამის შესახებ „ევროპული საქართველოს“ წევრმა, ზურაბ ჭიაბერაშვილმა განაცხადა. მისი თქმით, დღეს არსებული ბევრი პროგრამა შესამცირებელია, რომლის ხარჯზეც პენსიის 50 ლარით გაზრდა იქნებოდა შესაძლებელი.
„დღესაც ვიცით ძალიან ბევრი უყაირათო პროგრამა ბიუჯეტში, რომელიც შესამცირებელია და რომლის ხარჯზეც დღესვე შეიძლება სოციალური პროგრამების და პენსიის 50 ლარით გაზრდა, მაგრამ ეს ნიშნავს, რომ „ქართულმა ოცნებამ“ უნდა გაანაწყენოს თავისი პარტაქტივი, რომელიც სსიპ-ებსა და ა(ა)იპ-ებში ჰყავთ დასაქმებული“, - განაცხადა ზურაბ ჭიაბერაშვილმა.
აღნიშნულ კომენტარს „ევროპული საქართველო“ ავრცელებს.