თამთა ჯანჯღავას ადვოკატი არჩილ შაბაშვილი არ გამორიცხავს, რომ მისი დაცვის ქვეშ მყოფმა ირაკლი ნოზაძეს ის ხელი მოუქნია, რომელშიც დანა ეკავა. როგორც შაბაშვილი ამბობს, ბრალდებულსა და ნოზაძეს შორის კონფლიქტი იმ თანხის გამო მოხდა, რომელიც ჯანჯღავამ ნოზაძეს ასესხა.

"ჩემი დაცვის ქვეშ მყოფს აქვს ასეთი პოზიცია, რომ მას ჰქონდა ნასესხები ნოზაძისთვის თანხა და არ უბრუნებდა. ამაზე მოხდა მერე შელაპარაკება, რასაც მოჰყვა ის, რომ დაზარალებულმა ხელი დაარტყა, რის შემდეგაც ჩემმა დაცვის ქვეშ მყოფმა შესაძლოა მოიქნია ხელი, რომელშიც ეკავა დანა. დანა ამოღებული არაა", - განაცხადა არჩილ შაბაშვილმა.