პროკურორი - ირაკლი ნოზაძის საქმეზე ბრალდებულებს ნარკოტიკული და ფსიქოტროპული ნივთიერებების გამოყენება დაუდგინდათ

პროკურორი მომღერალ ირაკლი ნოზაძის მკვლელობის მცდელობასა და დანაშაულის შეუტყობინებლობაში ბრალდებულთა მიმართ აღკვეთის ღონისძიების სახით პატიმრობის შეფარდებას ითხოვს.

როგორც პროკურორმა თამარ მისაბიშვილმა განმარტა, ბრალდებულებს სახელმწიფო ბრალდება მძიმე დანაშაულის ჩადენასა და მძიმე დანაშაულის შეუტყობინებლობას ედავება.

ამასთან, პროკურორმა მკაცრი აღკვეთის ღონისძიების გამოყენების საფუძვლად მიმალვის, გამოძიებისთვის ხელის შეშლისა და მოწმეებზე ზემოქმედების საფრთხეები დაასახელა. პროკურორმა განმარტა, რომ ბრალდებულ თამთა ჯანჯღავას დაახლოებით 15-მდე მოწმესთან აქვს ახლო ურთიერთობა და შესაძლოა ეს ნაცნობობა მათზე ზემოქმედებისთვის გამოიყენოს.

გარდა ამისა, პროკურორმა განმარტა, რომ  ბრალდებულებს ნარკოტიკული და ფსიქოტროპული საშუალებების მოხმარება დაუდგინდათ, რაც მათ  ჩვენებასთან წინააღმდეგობაში მოდის, რადგან თამარ მისაბიშვილის ინფორმაციით, დაკითხვისას თამარ ჯანჯღავამ და ნათია თოფურიამ ნარკოტიკული საშუალებების მოხმარება კატეგორიულად უარყვეს. პროკურორის თქმით, ეს ასევე მიუთითებს იმაზე, თუ რამდენად მზად არის ორივე ბრალდებული გამოძიებასთან სათანამშრომლოდ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა