თელავში „სამხრეთ აფრიკა - საქართველოს სავაჭრო პალატის“ (SAGCC) ოფიციალური წარმომადგენლები მარიუს ჰაინსი და პეტრო კრუგერი საქმიანი ვიზიტით იმყოფებოდნენ. ამის შესახებ „ინტერპრესნიუსს“ თელავის მუნიციპალიტეტიდან აცნობეს.
მუნიციპალიტეტის ინფორმაციით, მათ შეხვედრა გამართეს თელავის მუნიციპალიტეტის მერის პირველ მოადგილე გიორგი თუშიშვილთან და მერის მოადგილე გურამ გურაბანიძესთან.
„საუბრის თემა შეეხებოდა თელავში ერთობლივი პროექტების განხორციელებას, განსაკუთრებით სპორტის და ტურიზმის მიმართულებით. შეხვედრის შემდეგ სტუმრებმა თელავის სპორტული ინფრასტრუქტურა მოინახულეს (თამაზ ანთიძის სახელობის სპორტული კომპლექსი, საფეხბურთო სტადიონი, ჩოგბურთის კორტები ), ასევე ტურიზმის განვითარების ცენტრს ეწვივნენ და ქალაქის ღირსშესანიშნაობები დაათვალიერეს“, - ნათქვამია ინფორმაციაში.