საბაჟო გამშვებ პუნქტში „ვალე“ 10 კილოგრამი არადეკლარირებული ოქრო აღმოაჩინეს

საბაჟო გამშვებ პუნქტში „ვალე“, ფინანსთა სამინისტროს შემოსავლების სამსახურის მებაჟე ოფიცრებმა 10 კილოგრამი არადეკლარირებული ოქროს საიუველირო ნაკეთობები აღმოაჩინეს.

როგორც „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს, დეკლარირებას ქვემდებარე, საქართველოში კანონდარღვევით შემოტანილი საქონელი სომხეთის მოქალაქის ა.ჰ-ს მანქანაში იქნა აღმოჩენილი.

საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.