შეკვეთილში, "ბლექ სი არენაზე“ ბრიტანელი ლეგედარული მუსიკოსის ელტონ ჯონის კონცერტი დღესაც გაიმართება. გუშინ კონცერტზე მისულმა მაყურებელმა ელტონ ჯონის როგორც ძველი, ასევე ახალი მუსიკალური ჰიტები მოისმინა.
"დიდი მოლოდინი მქონდა, რომ კონცერტი დაუვიწყარი იქნებოდა და ასეც მოხდა. ძალიან კარგია, რომ ამ დონის მუსიკოსი საქართველოში იმყოფება. აღფრთოვანებული ვარ, კონცერტით",- აღნიშნა გუშინ ერთ-ერთმა მსმენელმა.
შეგახსენებთ, რომ ბრიტანელი მუსიკოსი საქართველოში გასულ წელს უნდა ჩამოსულიყო, თუმცა ბენდის ერთ-ერთი წევრის ჯანმრთელობის მდგომარეობის გამო ვერ ჩამოვიდა.