1-ელი ივლისიდან ავსტრია ევროკავშირის საბჭოს თავმჯდომარეობას შეუდგა, რაც მომდევნო ნახევარი წლის განმავლობაში გაგრძელდება.
„თავისი თავმჯდომარეობის პერიოდში, ავსტრია, აპირებს საკუთარ თავზე აიღოს ევროპაში ხიდების მშენებლობა და შეამციროს არსებული დაძაბულობა. ჩვენ გვჭირდება ევროკავშირთან ნდობის გამყარება, რომ ევროკავშირმა შეძლოს სულ უფრო მეტი მასზე დაკისრებული ამოცანების შესრულება“, - ამის შესახებ ავსტრიის კანცლერმა სებასტიან კურცმა განაცხადა.
ავსტრიის თავმჯდომარეობა წარიმართება დევიზით: „ევროპა, რომელიც იცავს“. ავსტრიის ხელისუფლება აპირებს კონცენტრირებას ისეთ სფეროებზე, როგორებიცაა: უსაფრთხოება და არალეგალურ მიგრაციასთან ბრძოლა, აყვავება და კონკურენტუნარიანობა ციფრული დამუშავების გზით და მეზობელ ქვეყნებში სტაბილურობა.
ავსტრიას ევროკავშირის საბჭოს თავმჯდომარეობა ევროკავშირში გაწევრიანების შემდეგ, 1995 წლიდან მესამედ უწევს.