ვეტერანების საქმეთა სახელმწიფო სამსახურის სოციალურ საკითხთა და სააღრიცხვო-ანალიტიკური დეპარტამენტის უფროსმა სულხან აბესაძემ და ზესტაფონის მუნიციპალიტეტის მერმა კახაბერ მახათაძემ ზესტაფონში მცხოვრებ მეორე მსოფლიო ომის ვეტერანს 100 წლის იუბილე მიულოცეს.
როგორც „ინტერპრესნიუსს“ ვეტერანების საქმეთა სახელმწიფო დეპარტამენტიდან აცნობეს, მათ ვეტერანს იუბილე პირადად მიულოცეს, ქვეყნისათვის გაწეული სამსახურისთვის მადლობა გადაუხადეს, სამახსოვრო საჩუქრები და ფულადი დახმარება გადასცეს.