ხორავას ქუჩაზე მომხდარი მკვლელობის საქმის დროებითი საგამოძიებო კომისიის ფარგლებში „ევროპული საქართველოს“ მეორე რეკომენდაცია ჩხუბში მონაწილე პირს, მ.კ-ს ეხება და მის წინააღმდეგ სისხლის სამართლებრივი დევნის დაწყებას გულისხმობს.
კომისიის მდივანი ოთარ კახიძე ამ პოზიციას ასაბუთებს იმით, რომ საქმის თითქმის ყველა მოწმე მიუთითებს, რომ კონფლიქტი მოკლულ დავით სარალიძეს გ.ჯ-სთან და მ.კ-სთან ჰქონდა და ასევე მ.კ აქტიურად იყო ჩართული სარალიძის ცემაში.
დროებითი საგამოძიებო კომისიის ფარგლებში „ევროპული საქართველოს“ პირველი რეკომენდაციაა, რომ 1-ელ დეკემბერს ჩხუბში მონაწილე ერთ-ერთი არასრულწლოვნის, გ.მ-ს, ცივი იარაღით დაჭრის ფაქტზე გამოძიება დაიწყოს.