ზუგდიდში, სოფელ თარგამულში ეკალ-ბარდებს ცეცხლი გაუჩნდა

ზუგდიდის მუნიციპალიტეტის სოფელ თარგამულში ეკალ-ბარდებს ცეცხლი გაუჩნდა, რის შედეგადაც 15 ჰექტარი ფართობი დაიწვა. ამის შესახებ “ინტერპრესნიუსს“ საგანგებო სიტუაციების მართვის სამსახურში განუცხადეს.

მათივე ინფორმაციით, ადგილზე ამ წუთებში სალიკვიდაციო სამუშაოები მიმდინარეობს და ცეცხლის გავრცელების საშიშროება არ არსებობს.