ბაღდათის მუნიციპალიტეტის კაკასხიდი-ზეკარის გზის რეკონსტრუქციის პროექტი ადგილობრივ მოსახლეობას საქართველოს გზების დეპარტამენტმა გააცნო. ანგარიშის საჯარო განხილვა სოფელ წყალთაშუას საჯარო სკოლის ადმინისტრაციულ შენობასთან გაიმართა.
მოსახლეობას აღნიშნული პროექტი გზების დეპარტამენტის წარმომადგენლებმა დეტალურად გააცნეს. ადგილობრივებმა ასევე გზის რეაბილიტაციასთან დაკავშირებით თავიანთი შენიშვნები და მოსაზრებები გამოთქვეს.
როგორც „ინტერპრესნიუსს“ იმერეთის სამხარეო ადმინისტრაციაში განუცხადეს, კაკასხიდი-ზეკარის გზის პროექტს საქართველოს საავტომობილო გზების დეპარტამენტი ახორციელებს. აღნიშნული პროექტის საჯარო განხილვის მიზანი მოსახლეობის ინფორმირებაა.