შს სამინისტროს შენობასთან ზაზა სარალიძისთვის სოლიდარობის გამოცხადების მიზნით ზვიად კუპრავა და ზაზა სარალიძის რამდენიმე მხარდამჭერი მივიდა.ისინი სოლიდარობის ნიშნად სამინისტროს შესასვლელის წინ დასხდნენ.
როგორც „ინტერპრესნიუსს“ ზვიად კუპრავამ განუცხადა, ისინი სამინისტროს შენობასთან დარჩებიან მანამ, სანამ ზაზა სარალიძე იქ იქნება. თავად ზაზა სარალიძე კი შს სამინისტროს შენობის ეზოში იმყოფება და მჯდომარე აქციას მართავს.
როგორც სარალიძემ აღნიშნა, დღეს მისი მთავარი მოთხოვნა გამოძიებისთვის იყო კალანდიას დაკავება, რაზეც მისივე განცხადებით, გამომძიებელმა განმარტა, რომ დაკავებისთვის შესაბამისი მტკიცებულებები არ არსებობს. ზაზა სარალიძის თქმით, ის სამინისტროს ეზოს დატოვებს მხოლოდ მაშინ, როდესაც კალანდიას დააკავებენ.