თბილისში, მარშალ გელოვანის გამზირზე მომხდარი ავარიისას დაშავებული ორი ადამიანი საავადმყოფოში გადაიყვანეს, - ამის შესახებ „ინტერპრესნიუსს“ სასწრაფო-სამედიცინო დახმარების ცენტრში განუცხადეს. მათი ინფორმაციით, იმ 6 ავტომობილში, რომლებიც ერთმანეთს შეეჯახა, 8 ადამიანი იმყოფებოდა. ექვს მათგანს სამედიცინო დახმარება ადგილზე აღმოუჩინეს, ხოლო ორი მგზავრის ჰოსპიტალიზება გახდა საჭირო.
სასწრაფო-სამედიცინო დახმარების ცენტრის ინფორმაციით, ერთი დაშავებული ე.წ. მიხაელოვის საავადმყოფოში, მეორე კი იაშვილის კლინიკაშია მოთავსებული, არც ერთის მდგომარეობა მძიმე არ არის.
თბილისში, მარშალ გელოვანის გამზირზე, “აგროჰაბის“ მიმდებარე ტერიტორიაზე დღეს ავტოსაგზაო შემთხვევა მოხდა, რა დროსაც ერთმანეთს 6 ავტომობილი შეეჯახა.